سالماس یوُردوم 

شافاقلارین رنکی آتدی ، گون قارالدی یوُردوم اوسته

آیسیز – اوُلدوزسوز بیر گئجه کؤلگه سالدی یوُردوم اوسته

آمان بئله قَره گونده ن ، بیر تَک اؤلوم گَلیر اؤنده ن

گؤی اوُتاندی گؤردویونده ن ، قاناد آلدی یوُردوم اوسته ن

قیشا چؤندی گؤزه ل یازی ، نه شَنلییی نه آوازی

قوُلاق وئرسه ز اؤلوم سازی ، نغمه چالدی یوُردوم اوسته

اثر یوخدی اوُمودلاردان ، آغاجدان ، گؤیده ن ، اوتلاردان

ائیله بیر کی بوُلوتلاردان اود بوشالدی یوُردوم اوسته

آپاردی شهری قان سئلی ، قیریلدی سازلاری تئلی

اَییلدی خالقیمین بئلی ، کیم اوُجالدی یوُردوم اوسته

قانلا سوُلندی توپراقی ، آرخاسیندا یوخ دایاقی

سینسین دوشمانین اَیاقی ، ایزی قالدی یوُردوم اوسته

گؤزلرده ده قالسا قان یاش ، بیر گون گَلدی بیتدی ساواش

گؤی آچیلدی یاواش یاواش ، چَن آزالدی یوُردوم اوسته

هریئرده غم ، هر یئرده قان ، بوُدور نیگار بیزه قالان

او گؤنلری یادا سالان اوز ، سارالدی یوُردوم اوسته

نیگار تمرلی ( نگار تمری )

Salmas Yurdum

Şafaqların rənkı atdı , gün qaraldı yurdum üstə

Aysız ulduzsuz bir gecə , kölgə saldı yurdum üstə

Aman beylə qərə gündən , bir tək ölüm gəlır öndən

Göy utandi gördüyündən , qanad aldı yurdum üstən

Qışa çöndı gözəl yazi , nə şənliyi nə avazı

Qulaq versən ölüm sazı , nəğmə çaldı yurdum üstə

əsər yoxdı umudlardan , ağacdan , göydən , otlardan

eyləbir kı buludlardan od yağdı yurdum üstə

apardı şəhrı qan selı , qırildı sazların telı

əyildi xəlqimin belı , kim ucaldi yurdum estə

qanla sulandı topraqı , arxasında yox dayağı

sınsın düşmanın ayağı , izi qaldı yurdum üstə

gözlərdə qalsa qan yaş , bir gün gəldi bitdi savaş

göy açıldi yavaş yavaş , çən azaldi yurdum üstə

hər yerdə ğəm , hər yerdə qan , budur NİQAR bizlərə qlan

o günləri yada salan üz , saraldı yurdum üstə

● Niqar Təmərli , 2008 Salmas    

Salmas tarixinin ilk qurultayi